السلام عليكم ورحمة الله وبركاته
احلى اخوات
واشطر بنوتات ازياء
في اسرارنا ع المكشوف فكرتنا ممكن تكون منقولة أو حصرية
لكن الجديد فيها
اننا جربناها
ونجحت معانا
ونقلنا التجربة بكلللللل امانة
عشان تبتدي انتي من حيث انتهى الاخرون
:10_15_4[1]::10_15_4[1]::10_15_4[1]::10_15_4[1]::10_15_4[1]:
دي طريقتي في الاحتفاظ بالخضروات الورقية ( البقدونس و الكسبرة والشبت والكرفس )
بشتريها وانضفها من اي عود اصفر و اغسلها كويس جدا وانقعها في مية بخل لمدة 10 دقايق واشطفها واتركها تتصفى تماما
( كل ما تخلصتي من المية فيها كل ما عاشت عندك كتير من غير ما تبوظ )
وبعدين عندي علبة بلاستك شفافة ( الي بيتباع فيها الفراولة في السوبر ماركت ) بتكون خفيفة ومخرمة من تحت و بعد ما الخضرة تنشف تماما بحطها فيها بنفس فكرة الورد في الفازة يعني الاوراق لاعلى والعيدان لاسفل
وطبعا الفتحات المخرمة في العلبة من تحت بتساعد النبات انه يتنفس وكمان لو كان في اي مية بتنزل
و طبعا بيعيش النبات فترة طويلة اخضر ونضر و لما ينشف افركه بيكون اخضر وناشف وجميل واحتفظ بيه في برطمان زجاجي للحشوات و المحاشي
انتي كمان ممكن تجربيها بأي علبة بلاستك تخرميها من تحت او حتى زجاجة مية معدنية تخرميها وتستخدميها
جربيها هاتعجبك باذن الله
فكرة لسلاطة بابا غنوج
طعمي وهمي يبهر الضيوف
ورائع مع المشاوي
اشوي البدنجان على عين البوتجاز او في الفرن
و شوحي بصلة وفلفلاية رومي في الطاسة التيفال على النار بدون زيت لما تدبل وتاخد طعم الشوي
و في الكبة او الهون اطحني فصين توم مع البصل والفلفل الي شوحناه
وضيفيهم على البدنجان المشوي مع معلقتين طحينة وشوية خل وعصير نص ليمونة
وملح وكمون وقليل من الكسبرة الخضرا و البقدونس
والتكة المهمة
هاتي فحمة وولعيها على عين البوتجاز و حطي قشرة بصل في نص طبق البابا غنوج او قطعة فويل و حطي عليها الفحمة و اطفيها بشوية زيت قليل و غطيها كويس تتشبع بريحة الشوي
وعند التقديم رشي عليها شوية زيت زيتون وسماق وبقدونس مفروم
الناس بتسيب المشاوي وتاكل البابا غنوج
البشاميل
عند عمل البشاميل
ابشر بصلة متوسطة واشوحها في الزبدة حتى يصفر لونها فقط
وأضيف عليها الدقيق ورشة قرفة صغيرة
وعندما يأخذ لون اضيف اللبن و قليل من الشربة او مكعب مرقة دجاج
وبعد الغليان نصف ملعقة بيكنج بودر
مع التقليب المستمر حتى ينعم
ودوقي بشاميل مميز و الكل يسأله ليه طعمه حلو ومختلف
الكفتة البانية الهشششة والطعمة جداااااا
يضاف على المقادير المعتادة
عدد 1 او 2 بطاطس مسلوقة ومهروسة بحسب كمية اللحم المفروم
مع الشبت المفروم يعطي طعم مميز
وقليل من التوم المفروم
وقليل من دبس الرمان
والزعتر
أستبدال البيض في عمل البانية بالماء المثلج
واتفرجي على الزيت
زي الفل لأخر القلية
وكفتة مقرمشة ولذيذة وصحية اكتر
كركاديه
سهل سريييييييييييييع
وفي كل وقت وأي وقت
طريقة لذيذة اتعلمتها من فتوكة عسولة في المنتدى
مكعبات الكركاديه في الفريزر
نحضر كمية من الكركادية وننقعه في ماء مغلي لمدة ساعتين ثم يصفى ويكون مركز جدا
نضعه في مكعبات الثلج في الفريزر
وعند الحاجة نخرجه من الفريزر ونضيف له السكر والماء حسب الكمية المطلوبة
ويشرب بألف هنا وشفا
السر ده من صديقتي السعودية
وهي احسن واحدة في العالم تعمل سمبوسة
بصراحة مميزة
وبعد الحاح قالت لي على السر
وانا جيت جررررررررررري وجبتهولكم
اتفضلو
تشتري سمبوسة من نوعية كويسة ( سويتز افضل نوع )
وتعملي عصاج اللحمة و تضيفي عليه كرات كتيييييييييييير و طبعا ده بيميز الطعم جدااااااا ( ولو مش متوافر بالنسبالك استخدمي بصل اخضر )
و التكة التانية المهمة
هي بعد ما بتلف السمبوسة بتغمسها في اللبن و بعدين الدقيق وتخليها في التلاجة ساعتين على الاقل
وبعدين تقليها
واتفرجي على الطعاااااااااااااااامة و القرمشة و الاجمل مش بتشرب زيت كتير
ولا اسهههههههههههههههل
وتتوالى الاسرار
(باذن الله هاجمع لكم كل الاسرار الخاصة بالمطبخ هنااااااا
وتكون ورا بعض عشان ما تتوهش وما تتعبوش في التصفح )
وصلو على الحبيب محمد معلم البشرية الخير
اللهم صل وسلم وبارك عليه
عارفة انكم هاتقيمو
لاني عارفة انكم
في غااااااااااااااية الذوق
احبكممممممممم
