الوسم: الشيف

طبعا محدش فينا مش بيحب الفطير المشلتت وخصوصا الريف المصرى مشهور بيه جدا وبلاقى ناس كتير جدا بتسأل على طريقته هو ليه طرق كتير بس ان شاء الله هحاول اقدمه بطريقة بسيطة عشان اى واحدة معملتوش قبل كده تقدر تعمله هو مقاديره بسيطه جدا عبارة عن مياه ودقيق بس الأساس فيه العجينة وطريقة فردها

بالنسبة للمكونات هتكون

3 كوب دقيق ابيض

كوب وربع مياه(او على حسب مايحتاج الدقيق)

معلقة كبيرة زيت

5 معالق كبيرة سمنة بلدى(طبعا فيه ناس بتستخدم زبدة وفيه ناس بتخلط السمنة بزيت بس انا بحب استخدم سمنة بلدى صافى)

الطريقة

فى إناء هنحط الدقيق والمياه

ونعجنهم كويس لحد ماتتكون معانا عجينة متماسكة ونزود مياه او دقيق حسب ماتحتاج العجينة وعجينة الفطير مش ناشفة اوى بس فى نفس الوقت مش طرية يعنى مش بتلصق فى الايد

ونحط عليهم الزيت ونعجنهم لغاية مايختفى ونقسمهم كور صغيرة بس فيه كورة واحدة هنخليها اكبر من الكل عشان دى اللى هنلم فيها العجينة فى الاخر

نغطيها ونسيبها ترتاح لمدة ساعة ودى خطوة مهمة جدا عشان نتيجة الفرد تكون مضمونة

وبعد الساعة هنمسك العجينة ونشدها هنلاقيها بتمط معانا وده المطلوب

هنجيب السمنة

هنسيحها على النار بس مش هتبقى سخنة يعنى مش هنقدحها وطبعا كمية السمنة دى ممكن تقللوها حسب رغبتكم وحبكم للدهون

هنجيب اى كورة من اللى قطعناهم وندهن الترابيزة اللى هنشتغل عليها زيت ونبدأ نفردها بإيدينا

ونفضل نفرد فيها لغاية ماتبقى رفيعة جدا وطبعا ممكن نستخدم النشابة عشان تساعدنا فى عملية الفرد

يعنى تبقى رفيعة لدرجة تبقى شفافة ايدينا تظهر تحتها وده اساس الفطير المشلتت

هندهن العجينة بالسمنة اللى سيحناها ونطوى منها جزء

وطبعا كل جزء نطويه منها ندهنه سمنة


لغاية مانقفلها وتكون على شكل ظرف


هنركنه جانبا وندخل على الكورة اللى بعدها نبدأ نفردها وندهنها سمنة بس قبل مانطوى اى جزء منها هنحط فيها العجينة اللى فردناها قبل كده اللى على شكل ظرف

ونبدأ نطويها بنفس الخطوات اللى فاتت الفرق ان هيكون جواها العجينة اللى حضرناها قبل كده

وبردو كل جزء نطويه هندهنه سمنة

وبردو هتبقى على شكل ظرف

وهكذا هنعمل مع كل كورة لغاية مانوصل لأكبر كورة دى اخر واحدة هنفردها لأن طبعا الظرف بتاعنا هيكون كبر وهنحط العجينة فى صينية مدهونة

حطتها فى صينية مقاس 24

ونسيبها ساعة ترتاح قبل مانفردها فى الصينية عشان تتفرد معانا بسهولة وبعد مافردتها حطيت على الوش قشطة حليب لأن القشطة بتخلى الوش بيلمع وطرى بس الخطوة دى اختيارى مش كل الناس بتحب تحط قشطة

وطبعا الفطير المشلتت لازم يتخبز فى فرن عالى الحرارة ومسخن مسبقا وبعد مرور تلت ساعة هنلاقيه ارتفع جدا فى الفرن وده دليل على نجاحه

ولما يستوى نخرجه من الفرن بس قبل مانحطه فى طبق التقديم هنغطيه بطبق عشان يفضل طرى وبعدين ناكله بالهنا والشفا

وده كان فطارى زى الفطار فى الريف المصرى فطير مشلتت ومش وعسل نحل وعسل اسود ومكن تزودو بيض مسلوق كمان وده بصراحة احلى فطار الواحد يفطره وعندنا فى مصر فى الفلاحين مش بيقولوا فطير مشلتت بيقولوا مشلتت على طول والرئيس المصرى انور السادات الله يرحمه لما كان بيروح بلده فى الفلاحين فى محافظة المنوفية كان بيفطر كده


وطبعا الفطير لازم يكون مورق من جوة يعنى طبقات كتير فوق بعض

نبدأ بسم الله
المقادير للعجينة
ربع كوب ماء-بيضة(احمر)-ملعقة كبيرة خل-2كوب دقيق-نص ملعقة صغير ملح -ربع كوب زيت-ربع كوب سمن-كيس فانيليا
المقادير للحشو
5 تفاحات مقطعين مكعبات-كوب ونص سكر ابيض عادى-ملعقتين كبار قرفة(حسب
الرغبة ممكن تزودى او تنقصى)-ملعقتين كبار سمنة وبردو ممكن تزودى
اول حاجة هنجيب البيضة والفانيليا والخل والميه ونضربهم مع بعض
نسيبهم ونجيب بولا تانيه نحط فيها الدقيق وعليه الزيت والسمنة وندعكهم بايدينا
بصراحة انا لما عجنتهم لقتهم ناعمين اوى فزودت دقيق لغاية مابقت عاملة زى فتافيت العيش
بعض كده حطيت البيض والخل اللى ضربناهم على الدقيق ونعجنهم هنلاقيها ناعمة وسهلة التشكيل
نركن دلوقتى العجينة
نيجى للحشو نحط التفاح المتقطع مع القرفة والسكر والسمنة ونخلطهم بايدينا
خلى بالكم المقادير دى سواء العجينة او الحشو لصينية مقاس 24
نجيب الصينية وندهنها سمنة
ونقسم العجينة كورتين كورة عادية وكورة اكبر شوية
الكبيرة دى اللى هنغطى بيها الحشو
نفرد الكورة الصغيرة بالنشابة ونحطها فى الصينية ولو فيه زيادات نشيلها بعد
كده نحط الحشو ونفرد الكورة الكبيرة ونغطى بيها الحشو بأحكام يعنى تقفلى
على الحشو كويس اوى
وتخرمى الوش من فوق بالشوكة
نيجى بقى للخبز
انا خبزتها على حرارة 125
بتاخد ساعة تقريبا
وعايزة اقولكم سر
اى حاجة بخبزها فى الفرن عشان متنشفش وتتلسع من تحت بحط من تحت اقصد الصاجة اللى فوق النار صينية فيها ميه
بحيث انها بتبقى تحت الصينية اللى بنعمل فيها الحاجة
بتدى طراوة للحاجة اللى بنخبزها وتخليها متتحرقش
بعد نص ساعة هتلاقيها الحشو نزل منه صوص
هتطلعى الصينية وتاخدى الصوص ده بالمعلقة تسقى بيه الوش من فوق وتدخليها الفرن تانى
ولما تحسى انها استوت والوش احمر تطفى وتشغلى الشواية عشان تاخد لمعة من فوق
دلوقتى بقى هسيبكم مع الصور بالتفصيل

دى بعد ربع ساعة من مادخلتها الفرن واللى تحتها دى الصينية اللى فيها ميه اللى قلت عليها

دى لما طلعتها وحطيت الصوص على الوش

[IMG]دى لما استوت وطلعتها من الفرن قبل التقطيع[/IMG]

وكل واحده وحسب البهارات بتاعتها
والكميه دى مش بتخلص كلها انا بعمل والباقى بحطه فى كيس وعلى الفريزر ينفع فى يوم تانى
طيب الصور هتشرح نفسها بنفسها اسيبكم مع الصور

الكرمبة اهى بعد ماشيلت الورق منها

وادى الورق اهو شوفتو سليمه ازاى

وبعدين جهزت حلة فيها ميه وملح ومعلقتين كمون علشان الكرنب

وبعدين غليت الميه وحطيت الورق فيها دقيقه كده يطرى بس مش تسيبيه كتير هيتهرى ويتقطع

وبعدين هنا طلعت الورقه اهى شوفو شكلها ازاى مش مقطعه وحلوة اهى

خلاص سلقتهم كلهم نيجى بقى للتقطيع بنجيب الورقه دى ونقطع العرق اللى فى النص ده
وبعدين نتنى الورقه ونقطعها نقصها نصين بالسكينه ونقطع الورقه حسب الحجم اللى تحبيه
انا بحب المقاس ده واهو بعد ماقطعت شويه منهم

نيجى بقى للحشو فرمت البصل فى الكبه وضربت الطماطم فى الخلاط وقطعت الخضرة
وغسلت الرز جبت حله فيها شوية سمنه وقدحتهم وحطيت البصل

وبعدين اتحمرت حطيت الطماطم

وبعدين صفيت الرز والخضرة وسقطتهم وده شوية من الخلطه لما خلصت كنت ببردها علشان ابتدى الحشو

وجبت طبق وقولت الف فيه واحده علشان لو فى بنوته او عروسه جديده تعرف اللف ازاى

تحطى الرز وتلفى الورقه كده سهله قوى قوى

وادينى اهو بسم الله ماشاء الله مليت الحله اهو بنفس طريقة اللف دى

على فكرة يابنات انا مبرميش حاجه خالص من الكرنبه بعملها كلها ورقه كبيرة او صغية كله بعملو بشفيها خالص

يتبع حبيباتى لسسسسسسسسسسسسسسسسسه مكمله معاكو

وبعدين كنت سلقت لحمه ضانى اخدت شوربتها وسقيت بيها المحشى وحطيت كام حته على الوش

وبعدين سويتها على نااااااااااااار هاديه خالص وبعدين غرفت السيرفيس ورجعت مالقتوش
ومش اتبقى غير الشويه دول اللى عرفت انقذهم من المفرمه

عشان ما اكتر حكي ….:a5bdf2b232:
الفكرة بأختصار انو كل يوم نختار عضوة
تكتبلنا مكونات طبق شعبي من بلدها …..
ولو يكون مدعوم بصور افضل ….
:10_12_1[1]:

ازيكم يا بنوتات يا حلوين

جبتلكم النهاردة فراخ مشوية على شفتها على قناة الحياة
من أسبوعين تقريباً
ودخلت دماغي أوي
وقررت اني أعملها في أقرب فرصة
وفعلا عملتها وطلعت تحفة

المقادير

القطايف