السلام عليكم ورحمة الله وبركاته
ومع وصفة جديدة من مطبخ منال العالم الرائع بالصور….
ستيك البقر بصلصة المشروم والكريمة والموتزاريلا
وطبعا الموضوع من تسجيلي وتصويري واعدادي…
يارب تعجبكم ان شاء الله….
أولا: المقادير:
ثانيا: طريقة الإعداد:
1- نجيب الستيك ونتبله بالملح والفلفل وزيت الزيتون (قالت ممكن نستخدم بفتيك الحم هيبقى حلو برضه في الوصفة دي مش لازم ستيك).
2- نجيب طاسة ونحط شوية زيت او زبدة حسب الرغبة ونسيبه يسخن كويس لحاد اما يدخن.
3- نحط قطع ستيك الحم في الزيت الساخن
– نخلي النار عالية عشان الحمة متلحقش تنزل ميتها ونقلب على الوجهين كل شوية لحاد اما نوصل للون الدهبي وتبقي الحم 3/4 سوا تقريبا.
5- نشيل الستيك ونحطه في طبق الفرن ونروح بقى نعمل الصلصة.
6- نجيب البصل المجروش ونحطه في نفس الطاسة الي شوحنا فيها الحم ولو الزيت قليل نزوده شوية.
7- نقلب البصل في الصوص وطبعا بياخد الون البني شوية ونحط فصين توم كمان ونقلبهم شوية في الزيت ياخدوا الون.
8- نزود المشروم والتوابل حسب الرغبة ونقلب شوية.
9- نجيب كوب مرق او ماء ونزود على الصلصة ونغطي في نفس الوقت عشان الدخان ميطلعش بره.
10- بنلاقي المية خدن لون الصوص ونسيبها 3 دقايق كده تتسبك معاه.
11- نزود كوب الكريمة والطماطم المقطعة مكعبات ونقلبهم على الصلصة وكده الصلصة تقريبا خلصت.
12- نروح لطبق الفرن ونحط الصوص على الستيك.
13- نجيب طماطماية متوسطة ونقطعة شرائح ونحطها فوق الصلصة وشوية جبنة موتزاريلا كمان بتدي طعم حلو اوي وندخلها الفرن لمدة 1/2 ساعة تقريبا على حرارة متوسطة (180 درجة)
ممكن بقى منحطش الستيك في الفرن وبعد اما خلصنا الصلصة نرجع تاني الستيك للطاسة ونغطيها ونسيبها تقريبا 1/2 ساعة لحاد اما تستوي كويس طبعا حسب نوع الحم لكن لما تتحط في الفرن ونزود الطماطم والموتزاريلا هتدي طعم كتير لطيف (على رأي الست منال)
وده الشكل بعد تمت خرجت من الفرن وحطيناها في أطباق التقديم
وبالهنا والشفا
