الوسم: الحمص

طريقة التحضير: لاستفادة من هذا القناع في امكانك الاستعانة بعلمب الحمّص الجاهزة للطعام أي التي تحتوي على عصيدة (هريسة) الحمّص، أو تحضيرها بنفسك عبر طحن مقدار كوبين من حبوب الحمص، أو تحضيرها بنفسك عبر طحن مقدار كوبين من حبوب الحمص المسلوق في الخلاط الكهربائي Mixer. خذي ملعقتين كبيرتين من عصيدة الحمص وامزجيهما مع ملعقة كبيرة من اللبن الزبادي Yogurt وعصير نصف ليمونة حامضة.

استخدامه: بلي الفرشاة المخصصة لتوزيع الأقنعة بالمزيج الشبه سائل الذي حصلت عليه، وادهني وجهك وعنقك دون أن تقربي محيط العينين. دعي القناع يجف خلال 20 دقيقة، ثم اشطفيه جيداً بالمياه المعتدلة الحرارة.

فكرة: جربي هذا الاقناع على ظهرك إذا كنت تعانين من البثور والرؤوس السوداء لأنه يزيلها تماماً مرة بعد مرة

ملاحظة كل خطوة ممكن تحضرها لوحدها (الحمص بروحه + الطحينة بروحها + الثوم بروحه)هذا قبل ما تخلطهم بالترتيب .

1) اول حاجة نحطو الحمص "المنقع" في طنجرة ونعبي عليها الماء (لو ما فيش عندك حمص منقع تشري حمص عادي وبعدين تنقعه في طنجرة ماء لمدة يوم كامل 24 ساعة وبعدها تمصمصه بالماء وتعبيه في شكاير وتحط منه في الفريز كان ما تبيش تستخدمه كله )
بعد ما نخلي الحمص في الطنجرة وفوقه معبيه ماء نخليه على الناريغلي لعند ما يطيب الحمص بالكامل .
بعدين نحوله من على النار ونبدا نصفي ميه الحمص في صحن كبير "غارق" ونخلي الحمص في نفس الطنجرة – بعدين نبدا نهرس الحمص باليد متاع المهراس وحدة وحدة لعند ما كله ينهرس مضوبط .

2) ناخد الطحينة "الكمية حسب الرغبة والنكهة" لكن تقريبا ممكن نستخدم علبة متوسطة كاملة ونفرغها في صحن متوسط غارق "تلاحظ ان لون الطحينة زي القهوي الفاتح " ونعصر فوقها ليمة وحدة او ليمة ونص "لوم ما فيش عندك ليم ممكن تاخذ روح الليم وتذوبه في صحن مع الماء لحد ما يصير كانه ليم " بعد ما نضيف الليم نبد نحركها كاني ندوب في سكر تلاحظ ان الطحينة يتغير لونها وتبدا بيضاء بشكل واضح وتبدا زي العجينة شادة روحها .

بعدها نضيف الطحينة اللي حضرنها مع الليم في الطنجرة "على الحمص اللي هرسناه" ونبدا نحرك ونخلطهم باهي وقتها نقدر نزيد شويه ماء من متاع الحمص اللي خليناه في صحن بروحه حسب انت ورغبتك كان تبيها جارية والا شادة شويه وبعدها نضيف معاهم كمون حوت تقريا اقل من كاشيك كبير بشويه ونبدا نخلطهم مع بعضهم – بعدها نحط شويه زيت زيتون معاهم ونبدا نخلط .

بعدين نحضر لها النكهة .

ناخذ فصين ثوم نقشرهم ونحطهم في المهراس وفوقهم قرن فلفل اخضر "بعد ما نحول منه الزريعة" ونهرسهم باهي ونضيف عليه نص كاشيك صغير ملح "حسب الرغبة – لكن لازم شوية ملح " لحد ما يبدو يعني زي الماء .

بعدها نحط الثوم اللي هرسناه في الطنجرة ونخلطها كويس ونبدا نقسمها في الصحون .
ومكن نرش فوقها كمون حوت وزيت زيتون ..