الوسم: الجبن

انا توني مشاركه جديده بالمنتدى هذا 😀

والصراحه صار لي فتره ادخل واطلع غليه ..

مدري اسجل او لا متردده كثير..!! 🙁

بس والله جذبني فيه المواضيع المميزه.. والاحترام المتبادل بين الاعضاء

والارشاد الهادف .. هذا كله جذبني واكثر :0153:

انشاء الله افيد واستفيد .. وهذا اول موضوع لي الله هالله بالردود هههههه

الطبخ اكثر شي احبه وانشاء الله معلوماتي تكون كافيه لوصفات تعجبكم زي ما عجبت

الناس الي حولي,,

نبدا بأول وصفه توني مسويتها من كم يوم
بيتزا صغيره.. وفطاير القوارب :0153:

..

..

….. المقادير …….. :0153:

كوبين طحين

ملعقتين طعام خميره فوريه

كوب ماء دافيء

ملعقة صغيره ملح

فنجان سكر

فنجانين زيت

~ الطريقه ~ :0153:

جدا سهله ومضمونه ..

اولا تاخذين الطحين وتحطينه مع الزيت وتخلطينه لين تتكون عجينه كأنها كتل وخليها على جنب

بعدين حطي كل باقي المقادير مع بعض شرط ( الماي يكون دافيء) واخلطيهم بنعومه ورفق لين

يندمجون مع بعض ..

بعدين اضيفيهم الى الطحين والزيت الي من قبل سويناه ..

وخليهم بالخلاطه لمدة 5 دقايق

بعدين راح تتكون عجينه لزجه اتركيها بصحن عميق وادهنيها بزيت الزيتون عشان يعطيها

لمعه حلوه من فوق .. وغطيها واتركيها جانبا لمدة ساعتين ..

~نجي لحشوة البيتزا ~ :0153:

انا تعبت لين لقيت الوصفه هذي الي هي سوس البيتزا نفس طعم بيتزا هت وجربو وشوفو وادعولي 😉

بلاش نشتري جاهزه كلها مواد حافظه ماندري ايش داخلها :33: << مشكله اذا تفلسفت غصب تقنع :18:

بندورتين مفرومات
1 فص ثوم
3 ملاعق كبيره صلصه جاهزه
1 ملعقه كبيره سكر
1 ملعقه صغيره ملح
شوية كمون
شوية زعتر
شوية ( ريحان ) << وهذا السر 😉

الريحان للمعلويه يعتبر بهار ايطالي ونلاقيه جاهز ومعلب ومجفف بالسوبر ماركت
او اي محل للبهارت وتعطي نكهه مش طبيعيه ..

بقية مكونات البيتزا ( فطر جاهز _ فلفل اخضر مقطع صغار _ جبنة شيدر )

نفرد العجينه طبعا ونقطعها دوائر صغيره حسب الرغبه .. انا بعد ما افردها اقطعها بكاس يطلع الشكل
موحد ومرتب<< حسيت اني اصف زي مدرسي هههه

واضيف الصلصه بعدين بقية المكونات واخر شي الجبنه .. لو حابه تضيفي شي اضافي زي نقانق
او اي شي ثاني عادي ..

دخليها الفرن على درجة حراره متوسطه وبتشوفينها تنتفخ بشكل خيالي هههه
استني تتحمر من تحت وشيليها واحفظيها بحافظه عشان تحافظ على طراوتها..

بنفس العجينه سوي قوارب الجبن

~ مقادير القوارب ~ :0153:

جبنه مالحه
ملعقة لبنه
3جبنة كيري
زعتر شويه
ملعقة زيت زيتون

بعد ما تشكيلن العجينه على شكل دائري ابرميها وبلغة ( اصفطيها :060: ) مت جهه ..
وحطي الحشوه .. بعدين سكريها من الجهه الثانيه ..
او سويها بأي شكل انتي حابته ..

دخليها الفرن وبعد ما تتحمر من تحت طلعيها وادهنيها شوية بيض وشغلي الفرن الي فوق
وخليها تتحمرر .. وقدميها

والف صحه وهنا
حاولت اذكر كل التفاصيل عشان الموضوع يكون متكامل ..
اختكم مون شادو