مكرونتى بالبينك صوص لذيذة وصدور الفراخ المشوية السريعة بالصور من مطبخ nonosmontaser
النهارده باذن الله هنعمل طبق لذيذ من المكرونة مع البينك صوص او الصوص البمبى مع الجبنة هو صوص لذيذ وغنى وكمان سهل وبسيط ويارب يعجبكم ياقمرات
وكمان هنقدم معاها صدور الفراخ المشوية بطريقة سهله جدا بالتفاصيل مع بعض هنشوفها
وياريت لو استفدتم او عجبتكم الوصفة ماتنسوش التقييم ودعوة حلوة بصلاح الحال ياحلوين
يلا بينا مع بعض نبدا ونقول بســــــــــــــــــــــــم الله
المقادير
مكرونة اسباجيتى
كريمة طهى
مشروم مقطع شرايح – ريحان – جبنة رومى مبشورة
بصله مقطه مكعبات صغيرة – عصير طماطم
شرايح صدور دجاج متبلة "بمياه بصل – طماطم مبشورة – ملح -فلفل اسمر- نصف ليمونة "
هنيجى على شواية سخنه اوى ونكون دهنها بسيط زيت وننزل بصدور الفراخ
او ممكن طاسة تيفال سخنه برده وندهنها زيت بسيط وننزل عليها بصدور الفراخ
كل شوية نقلبها على الناحيتين والباقى من التتبيلة بفرشاة ندهنها عشان ماتنشفش مننا
فى معلقة زبدة على زيت ننزل البصل المقطع مربعات صغيرة
وبعدين لما البصل يبدل ونشم ريحته طلعت ننزل بعصير الطماطم
نسيبه شوية يغلى ويتقل كده
وبعدين ننزل بالكريمة الطبخ وونقلبها ونسيبها تغلى معاها غلوتين لو عايزة الصوص يبقى اغمق ممكن تزدى معلقة صلصة
وبعدين ننزل بالمشروم ,ونقلبه تقليبه ونطفى
وبعد مانطفى نزود الريحان المقطع قطع صغيرة
نسلق المكرونة والطق ده المكرونة لازم تكون سخنة يعنى تكون لسه مسلوقة واحنا بنقدمها عشان الصوص يمتزج معاها ونحطها فى الطبق وعليها رشة جبنة رومى
نحط الصوص بتاعنا ونرش على الوش جبنة تانى و وضعت الفراخ جبنبها ورشيت عليها رشة خفيفة جبنة عشان انا بحب الجبنة والخطوة دى اختيار
وممكن ندخلها الميكروويف الجبنة تسيح لو حابين وده شكلها ياقمرات
الموضوع حصرى وغير مسموح بنقله خارج المنتدى
